Mirë se vini në web-faqen zyrtare të Autoritetit Rregullativ të Telekomunikacionit (ART), në Prishtinë, Kosovë.
Për më shumë informata mbi aktivitetet e ART-së, ju lutemi klikoni në linqet përkatëse.
Mbledhja e Parë e Bordit të ART-së
Prishtinë, 19 tetor 2009
Me datë 19 tetor 2009, është mbajtur mbledhja e parë e Bordit të ri të ART-së nën udhëheqjen e z. Ekrem Hoxha, kryetar i Bordit, ku të pranishëm ishin edhe anëtarët e Bordit.
Konform praktikave të mira të menaxhimit institucional, u diskutuan dhjetë pika të rendit të ditës, që përfshijnë çështje të rëndësishme për funksionimin e rregullatorit, caktimin e prioriteteve, dhe përmbushjen e obligimeve dhe funksioneve qe ka ART në raport me institucionet vendëse dhe ato ndërkombëtare.
Pjesëmarrja e Bordit të ART-së në Takimin e PVPE
Prishtinë, 09.10.2009
Me ftesë të Ministrisë së Transportit dhe Postë-Telekomunikacionit (MTPT), Bordi i ri i ART-së në krye me z. Ekrem Hoxha u prezantua në mbledhjen e djeshme të nëngrupit punues për Shoqëri Informatike dhe Media në kuadër të grupit punues –Infrastruktura.
Me këtë rast kryetari i Bordit, z. Hoxha, konfirmoi se Bordi ka filluar punën dhe u deklarua se zotimet dhe obligimet që dalin nga politikat e Qeverisë dhe Plani i Veprimit për Partneritetin Evropian (PVPE) do të jenë prioritet i ART-së.
Z. Ilir Imeri nga ART prezantoi raportin e detajuar mbi ecurinë e zbatimit të PVPE në sektorin e telekomunikimeve me fokus në:
-Të dhënat e tregut, konkurrenca dhe planet;
-Personeli, resurset e ART, përfshirë resurset financiare.
Z. Hoxha theksoi se udhëheqja dhe stafi i ART-së do të angazhohen vazhdimisht për të rritur nivelin e bashkëpunimit me partnerët institucional : MTPT, Agjensionin për Koordinim, Zhvillim dhe Integrime Evropiane dhe institucionet tjera përkatëse.
13.02.2009
Duke pasur parasysh menaxhimin sa më efikas të resurseve të kufizuara frekuencore, eliminimin e paqartësive të cilat mund të krijohen gjatë procesit të tarifimit, inkurajimit dhe krijimit të lehtësive për ofruesit e shërbimeve telekomunikuese dhe palëve tjera të interesuara, si dhe duke u bazuar në praktikat e mira të shteteve rajonale dhe europiane, është paraqitur nevoja për ndryshimin e rregullores për tarifim të spektrit frekuencor. Andaj miratohet ky ndryshim.
Njoftim
Autoriteti Rregullator i Telekomunikacionit (ART) njofton të gjitha kompanitë e licencuara dhe operatorët potencial se asnjë pagesë ndaj ART-së nuk pranohet pa faturë të lëshuar paraprakisht nga ky institucion. Ky ndryshim në faturim ka ardhur si rezultat i lëshimit të Udhëzimit Administrativ 6/2007 nga Ministria e Ekonomisë dhe Financave, mbi Standardizimin e Unifikuar për Numrat Referent për Grumbullimin e të Hyrave Publike. Faturat të cilat janë lëshuar deri më tani nuk vlejnë për pagesa, prandaj ato duhet të standardizohen me faturat e reja të përgatitura nga ART. Për çfarëdo pyetje në lidhje me këtë njoftim, ju lutem na kontaktoni çdo ditë pune në info@art-ks.org.
Rr. Pashko Vasa N.12
Qyteza Pejton, 10000 Prishtinë